تعرف ايه عن انفلونزا الخنزير

السلام عليكم ورحمة الله وبركاته
كلنا سمعنا عن انفلونزا الخنازير فدورت كتير عن اعراضها وبعد معرفت حبيت اقلكم

نبدا اولا في تعريف المرض
انفلوانزا الخنازير (Swine Flu) و بيترمز له بالتلات حروف (SIV) دا مرض بيصيب الجهاز التنفسى للخنازير و بيسببه فيروس اسمه اورثوميكسوفيروس (انفلوانزا من النوع A).
انفلوانزا الخنازير ممكن تتنقل من الخنزير المصاب للانسان و ممكن كمان تتنقل من انسان لانسان تانى.الاعراض للمرض هى السخونه و التوهان و تصلب المفاصل و الترجيع و فقدان الوعى والصداع و الكحه و اخيرا ممكن تسبب الموت.

الانتشار
الخنازير ممكن يجيلها انفلوانزا طول السنه بس فى الغالب بتزيد الحالات فى نهاية فصل الخريف و طول فصل الشتاء، و ممكن ينتقل للبشر اللى على اتصال مباشر بالحيوان (زى عمال المزارع اللى بتربى الخنازير).
اكل لحم الخنزير لا ينقل الفيروس و خصوصا لما يتطبخ كويس (الفيروس بيموت عند درجة حرارة 71 سيلسيوس يعنى اقل من درجة غليان المايه)، الانتشار بتاع المرض بيحصل من الخنزير الصاحى للانسان و مش عن طريق اكل اللحمه بتاعته.المرض دا بيصيب الجهاز التنفسي لما الانسان يتنشق الهوا اللى فيه الفيروس.

العلاج

دلوقتى فى اربع ادويه بينصح بيها الاطبا للعلاج و للوقايه من انفلوانزا الخنازير:

1-امانتادين (amantadine)
2- ريمانتادين (rimantadine)
3- اوسيلتاميفير ( Tamiflu,oseltamivir) الجرعه : 75 مجم مرتين ف اليوم لمدة 5 ايام.
4-زاناميفير ( Relenza,zanamivir) الجرعه : بختين فى البؤ (مع الشهيق) مرتين ف اليوم لمدة 5 ايام.

فى ادله بتتجمع دلوقتى على ان الانواع المنتشره اخيرا من الفيروس ما بتستجيبش للعلاج بالدوايين الاولانيين و عشان كدا الاتنيين الاخرانيين هما الانسب للعلاج/الوقايه من انفوانزا الخنازير اللى انتشرت فى ابريل 2009.
بس طبعا ما بتتاخدش غير بوصفة من الطبيب

التطعيم

مافيش تطعيم لحد دلوقتى ممكن يعمل لوقايه للانسان م الفيروس بس فى تطعيم بيدوه الاطباء البيطريين للخنازير و دا بيعملها حمايه لمدة سنة.

__________________

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء

» فلونزا الخنزير
» فلونزا الخنزير
» انفلونزا الخنازير خطر يهدد ملايين البشر
» تعرف على استراليا
» تعرف على مدينة نيويورك